Aruba Taekwondo News (Papiamento)

Willy Willems a entrega e t-shirt nobonan na Brazil Taekwondo Stichting.

Brazil Taekwondo Stichting ta conta awor cu t-shirt y polo shirt nobo despues di basta tempo. Willy Willems tabata presidente di Brazil Taekwondo Stichting un tempo y ta esun cu a traha e logo di Brazil Taekwondo Stichting. Willy Willems a entrega e t-shirtnan na e atletanan y e polo shirtnan na e directiva. Tur hende a keda contento cu nan uniformnan nobo cu ta indentificanan ariba caya ora di bende rifa y ora cu tin actividadnan.

Pa por a yega na e t-shirt y polo shirtnan, Brazil Taekwondo Stichting mester a bende rifa pa recauda fondo y asina por a logra cumpra esakinan. Awor Brazil Taekwondo Stichting ta recaudando fondo pa tur atleta por tin nan mesun protectornan pa train cu nan y tambe pa ora di bringa. E muchanan y mayornan a conoce Willy Willems mas di cerca awor. Willy Willems ta encarga cu e cuenta bancario di Brazil Taekwondo Stichting pa hopi aña caba.

Brazil Taekwondo Stichting a sali best team nacional na e di 18 Aruba Open.

Den fin di siman Brazil Taekwondo Stichting a participa na e di 18 Aruba Open. Brazil Taekwondo Stichting a participa cu 18 atleta y a gana 17 pelea oficial. Aaron Jacobs a selecciona e team di 6 atleta pa nan por a bringa pa e Best Team Cup nacional y e copa a bin Brazil.
Aaron Jacobs coach di e team di Brazil Taekwondo Stichting a scoge e siguiente atletanan pa best team:
Elijah Mackay.
Joshua Klabér.
Hakeem Lowe.
Rasheed Lowe.
Záhyon Klabér.
Jourdé Klabér.
Lixjandra Bello.

E 7 bringadornan menciona aki riba a logra gana nan pelea den nan categoria y algun di nan a bringa den otro categoria tambe, algun a gana y perde.
Brazil Taekwondo Stichting ta contento cu e resultado, pero ainda tin hopi trabou pa haci, mirando con algun atleta a gana, pero ainda falta pa traha ariba e tecnica.
Trabou lo sigui e siman aki nos dilanti pa asina nos por ta bon prepara pa Surinam y despues pa Korea.
Diasabra awor tin training pa e TK5 Corsou na Baby Beach cu ta cuminsa pa 8’or di mainta pa tur esnan cu ta interesa pa forma parti di e seleccion di November pa e di 6 TK5 na Corsou.

 


Grand Master Chaco Cornelio ta hopi satisfecho cu e resultado di Noord Taekwondo Center na e di 18 Aruba Open.

Den fin di siman Noord Taekwondo Center a participa na e di 18 Aruba Open cu varios atleta.

Grand Master Chaco Cornelio a fungi como un di e refereenan internacional y tabata tin su mannan yen cu e campeonato aki cu a cuminsa despues di 10’or di mainta y a termina despues di 10’or di anochi. Noord Taekwondo Center tabata tin un team di coach cu a bay na turno pa coach e atletanan, mientras cu Grand Master Chaco Cornelio tabata fungi como referee. Grand Master Chaco Cornelio a tuma esaki como un training pa e campeonato Mundial cu ta bay tuma lugar na luna di Juni na Muju, Korea.

Grand Master Chaco Cornelio ta felicita su team completo di Noord Taekwondo Center cu a haci un bon trabou na e di 18 Aruba Open.

Best Team National ta Brazil Taekwondo Stichting y Stichting Tiger Taekwondo Academy


Diasabra 20 May 2017 den Centro Deportivo Betico Croes a tuma lugar e di 18th International Open Aruba Taekwondo Championship na unda cu tabata tin participation di e siguinte paisnan Curacao, Sint Maarten, Suriname, Usa, Puerto Rico, Mexico, Venezuela, Colombia, Jamaica, Trinidad & Tobago y naturalmente nos atletanan di Aruba.


Tabata tin un total di 64 pool di combate y 18 participation pa poomse,
Best Fighter Male Infantil International – Malik Richardson (Sint Maarten)
Best Fighter Female Infantil International – Rashana Anchero (Suriname)
Best Fighter Male Infantil National Zayon Thielman ( Stichting Tiger Taekwondo Academy )
Best Fighter Female Infantil National Sue-Jean Kelly ( Stichting Tiger Taekwondo Academy)
Best Fighter Male Cadet International Carlos Daniel Rodriguez ( Venezuela )
Best Fighter Female Cadet International Shauna-Kay Hines ( Jamaica )
Best Fighter Male Cadet National Justin Granham ( San Nicolas Taekwondo Center )
Best Fighter Female Cadet National Shanille Perez ( Noord Taekwondo Center)
Best Fighter Male Junior International Hakeem Lowe ( Jamaica )
Best Fighter Female Junior International Chelsea Mofford ( Trinidad & Tobago )
Best Fighter Male Junior National Shaquille Barry ( San Nicolas Taekwondo Center )
Best Fighter Male Junior National Chiara Petrocchi ( Stichting Tiger Taekwondo Center )
Best Fighter Adult Male Angelo Rodriguez ( Stichting Tiger Taekwondo Academy )
Best Fighter Adult Female Lucero Gomez ( Colombia )

Best Team International Suriname

Best Team National ta Brazil Taekwondo Stichting y Stichting Tiger Taekwondo Academy
Best Refree International Yurian de Freitas di Panama

Stichting Tiger Taekwondo Academy kier a duna un danki na tur persona y sponsernan cu aporta pa e evento por ta un exito:


Na Minister Drs. C.A. Schwengle, Loto Pa Deporte, Ahata, Toyota, Vanessa Hollander, Tec Inc. Tambe na e Mayornan di Stichting Tiger Taekwondo Academy cu a traha duro pa hacie e evento aki un exito, Danki Stichting Tiger ta altamente agradici.

ALBERTO KLABER

MUNDOTAEKWONDO.COM